Kalenderfenster am 01.12.*

De Wärmflasch

Ne Wärmflasch gibt´s in jeden Haus schu über hunnert Gahr.
Se is un blebbt, dos is wuhl raus, es ältste Inventar.
Öb nu aus Kupper oder Zie, se is immer racht un fei.
Oft muß aah mit´ner tönern gieh, söllt amol Nut dra sei.
Oft muß aah mit´ner tönern gieh, söllt amol Nut dra sei.

De Wärmflasch hot kaa Eck, kaa Spitz, bei ihr is alles Bauch,
a Ding wie ane Feierspritz, es fahlt när noch der Schlauch.
Be Tog führt se a stilles Laabn, hockt of der Ufenbank,
der Filschuk un de Katz dernaabn – su wird de Zeit net lang.
der Filschuk un de Katz dernaabn – su wird de Zeit net lang.

Mer wärmt sann Buckel, Bauch un Baa, aah noch de eising Fiß,
doch daar wird karnig durchgehaa, daar sche zen Bett nausschmiß.
In Sommer hot de Wärmflasch Ruh; mer putzt se blitzeblank.
Nu laabt se in der Pangsiu – drubn of´n Klaaderschrank.
Nu laabt se in der Pangsiu – drubn of´n Klaaderschrank.

Doch kimmt der Winter amarschiert, doß ann virn Schlofen graut,
nort werd se wieder eirangschiert – die alte, gute Haut.
Ja, Wärmflasch, uhne dir gieht´s net, bist a Stück Haamit fei!
Su lang ich laab un ho mei Bett: Wärmflasch, dir bleib ich trei!
Su lang ich laab un ho mei Bett: Wärmflasch, dir bleib ich trei!

Wort: Karl Bernhard Brückner Weise: Albert Schramm