Kalenderfenster am 18.12.*

Dos gute alte Kanepee

Zen Hutzenobnd is jedesmol de ganze Stub gerammelt voll.
De Nachbarn kumme alle rei, es is kaa aanzger Stuhl meeh frei.
Drüm gieh ich schu beizeiten hi, doß ich dr allerschte bi.
Do setz ich mich of’s Kanepee, do bringt mich kaaner wag.
Dos gute alte Kanepee, dos is dr schennste Flack.
Do setz ich mich of’s Kanepee, do bringt mich kaaner wag.
Dos gute alte Kanepee, dos is dr schennste Flack.

Do werd gesunge un derzöhlt un aah de Stimm derbei geölt.
E gutes Schnapsel drunnernei gehört ja miet zer Singerei.
Un zieht mer’sch aah de Aagn mol zu, bringt mich dos net aus meiner Ruh.
Dä ich sitz of’n Kanepee, do bringt mich kaaner wag.
Dos gute alte Kanepee, dos is dr schennste Flack.
Dä ich sitz of’n Kanepee, do bringt mich kaaner wag.
Dos gute alte Kanepee, dos is dr schennste Flack.

An’s Hammgieh do werd net gedacht, es wird e Fatzenlust gemacht.
Ben Schunkeln hobn se ugelugn e Weibsen bal von Stuhl gezugn.
Nu soll’n se’s när bei mir probiern, aber do ka dos net passiern.
Dä ich sitz of’n Kanepee, do bringt mich kaaner wag.
Dos gute alte Kanepee, dos is dr schennste Flack.
Dä ich sitz of’n Kanepee do bringt mich kaaner wag.
Dos gute alte Kanepee, dos is dr schennste Flack.

Un soßen mer lang soot beisammen, nort gieh mer alle sachte haam.
E jeder sogt: Heit war’sch fei schie, do gieh mer bal mol wieder hi.
Dos is fei wahr, ihr könnt mer’sch glaabn, ich schunkel noch dr Nacht in Traam.
Do sitz ich of’n Kanepee, do bringt mich kaaner wag.
Dos gute alte Kanepee, dos is dr schennste Flack.
Do sitz ich of’n Kanepee, do bringt mich kaaner wag.
Dos gute alte Kanepee, dos is dr schennste Flack.

Text: H. Müller Melodie: H. Gerbeth Bearbeitet: G. Grosch