Adventskolanner
Hot der Winter agefange,
hot´s es erschte Mal geschneit,
sei se do, die Obnd, die lange,
is es wieder mol suweit:
Mach mer an Adventskolanner,
do sei bunte Bilder drauf,
racht schie sachte noochenanner
jeden Tog e Fansterle auf.
Jeden Morgn als allererschtes
kimmt e neies Fansterle dra.
„Ober immer aans när, härscht de`s?“,
spricht de Mutter. „Guck dir`sch a:
Do e Sterle, do e Kerzel,
do e Haisel, do e Baam,
do e Pfafferkuchenherzel-
jeds e Stückel Weihnachtslabn!“
Sei die Fansterle mitenanner
un es letzte, schönnste aah,
endlich an Adventskolanner
alle aufgemacht ze sah,
noochert, Kinner, kö`mer lachen,
dä dos Warten is vürbei,
brengt der Rupprich schiene Sachen,
un es wird Weihnachten sei!
Manfred Pollmer