Kalenderfenster am 08.12.*

Kummt, Bargbrüder, fahrn mer aus

Kummt, Bargbrüder, fahrn mer aus
kummt, is Blendenöl werd langsam alle,
zun Füllort hin, de Fahrten naus,
alles singt mit frohem Schalle,
de Schicht ze End, zur Sonn gieht´s nauf,
freit eich, Leit, Glückauf, Glückauf.
De Schicht ze End, zur Sonn gieht´s nauf,
freit eich, Leit, Glückauf, Glückauf.

In dr Nacht fängt a de Schicht,
obnds wenn´s finster is, do kumm´mer wieder,
vür Ort när unner Grubnlicht,
kaa weng Sonn kimmt dorten nieder,
de Schicht ze End, zur Sonn gieht´s nauf,
freit eich, Leit, Glückauf, Glückauf.
De Schicht ze End, zur Sonn gieht´s nauf,
freit eich, Leit, Glückauf, Glückauf.

Doch nu werd ball Weihnacht sei,
aah de Mettenschicht tut uns net schinden,
viel tausend Lichter brenne fei,
haller Schein tut allen künden,
de Sonn steigt wieder am Himmel nauf,
freit eich, Leit, Glückauf, Glückauf.
De Sonn steigt wieder am Himmel nauf,
freit eich, Leit, Glückauf, Glückauf.

Weise: „Auf gesamte Knappschaftsschar“ Worte: Werner Kempf